بعبارات قاسية.. إلهام شاهين تهاجم منتقدي فيلم "أصدقاء ولا أعز" (فيديو)

عقبت الفنانة إلهام شاهين، على الهجوم الذي يتعرض له فيلم "أصدقاء ولا أعز"، قائلة: "أنا مش عارفة في إيه.. وإيه الردة اللي إحنا فيها دي".

وقالت "شاهين"، خلال اتصال هاتفي ببرنامج "الحكاية" المذاع عبر فضائية "إم بي سي مصر"، مساء الأحد، إن الفيلم مهذب جدا، وليس به لمسة، أو لفظ خارج، ويدور كله على "ترابيزة سفرة"، معتبرة أن الضجة المثارة حول الفيلم غير طبيعية، معلقة: "اللي شافوا الفيلم على نتفليكس يبقا شافوا الأجنبية اللي بتعرض على المنصة، ايه المشكلة انك تسمع حوار صادم شوية.. هو حلال على الأجنبي".

وتساءلت، "ما دخل مجلس النواب في الفيلم؟"، مضيفة: "أنا بشوف مجتمع منافق، اللي مشترك في نتفليكس عارف إنه عايز يشوف أفلام فيها جرأة، والفيلم مكتوب عليه فوق 16 سنة.. إيه المجتمع المنافق ده، الفن بقا ملطشة، إحنا بنضحك العالم علينا، إيه اللي اتغير في مصر".