"معداش عليا سهل أبدًا".. أول تعليق من لميس الحديدي بعد شفائها من كورونا

علقت الإعلامية لميس الحديدي في أول ظهور لها بعد شفائها من فيروس كورونا، قائلة "معداش عليا سهل أبدا مش مع كل الناس، بعتذر عن صوتي وبعتذر عن الغياب أسبوعين أنا مكنتش كويسة 100%".

وأضافت "لميس الحديدي" خلال تقديم برنامجها "كلمة أخيرة" المذاع على فضائية "أون" اليوم السبت: "أيًا كان اسمه بتقول ده دور برد خفيف، فيه ناس لا تنطبق على كل البني آدمين فيه ناس بتتعب وفيه ناس حالتها كويسة".

وتابعت "تعرضت لدور قاسي ومتعب وسخيف وطويل أرجوكم الحذر ثم الحذر وعدم الاستهانة الأهم أننا نشهد في الحقيقة انتشار كبير على نطاق واسع من الإصابات". 

واستطردت "فيه ناس بتبقى عندها أعراض وتنزل وتعدي الناس عادي وتساهم في نشر الأعراض الناس عايشة حياتها المواصلات زحمة والمصالح الحكومية زحمة والقهاوي والمولات زحمة مع كل هذا الانتشار لا نرى الكمامات".

وأردفت "فيه ناس تتعامل مع المرض إنه دور برد خيف ولو حد مات يقول ده قضاء وقدر عمره ونصيبه والموضوع خلص، أنا اللي حماني بعد ربنا ودعاء أمي التطعيم، لو عندك أعراض اعزل نفسك لغاية ما تتأكد علشان متعديش الناس".