شاهد رد فعل الرئيس على فتاة أعربت عن خوفها خلال حضورها منتدى شباب العالم
طلبت فتاة مشاركة في فعاليات منتدى شباب العالم من الرئيس عبد الفتاح السيسي نصيحة للتخلص من الخوف والقلق الذي ينتابها، قائلة: "نفسي احقق حاجات كثيرة بس جوايا خوف وقلق وطول الوقت، أنا خايفة وبطلب من حضرتك نصيحة أبوية ازاي اتخلص من الخوف اللي جوايا".
ورد الرئيس السيسي خلال لقائه مع الصحفيين الأجانب على هامش منتدى شباب العالم اليوم الخميس ضاحكًا "انتي شابة صغيرة الدنيا كلها قدامك يؤلمني أنك تكون قلقانة وخايفة مش عايزة أسالك خايفة من ايه انتي قد بنتي الصغيرة، متخافيش ابدا ان كان على مصر".
وأضاف "جوه مصر متخافيش لأن الدولة دي بفضل الله سبحانه وتعالى حفظها ربنا وإلا كانت راحت زي ما غيرها كان راح مش احنا اللي حافظنا عليه لو أي حد في مكانها يقول أنا اللي عملت لا والله اللي حفاظ على مصر بنا وله الشكر والحمد والثناء العظيم اللي عمل معانا كده".
وتابع "الأمور بفضلك يارب من حسن إلى حسن وإحنا موجودين علشان نفضل نشتغل ونبني ونعمر لغاية ما نحقق الحلم لينا كلنا وبقولك لا متخافيش ربنا يحفظك ويأمنك من القلق والخوف".
