السيسي تعليقًا على حقوق الإنسان في مصر: "هو إنتوا هتحبوا شعبنا أكتر مننا"
علق الرئيس عبد الفتاح السيسي على سؤال ورد له بشأن حقوق الإنسان في مصر وقضايا الاختفاء القسري وقوائم الاعتقال في مصر.
وقال الرئيس السيسي خلال لقائه مع الصحفيين الأجانب على هامش منتدى شباب العالم اليوم الخميس: "أنا بطلب عمل لجنة من شباب محايد تخرج نتائجها للناس وتشوف العدد والسياسيين والاختفاء القسري خلال أسبوع أو اثنين للوقوف على حقيقة ذلك".
وأضاف: "البيانات التي يتم التحصل عليها في الخارج غير دقيقة وساعات الموضوعات لا تكون موضوعات كاملة أنا مش هقول أن مصر دولة قانون ولا يتم أي إجراء داخلها خارج القانون، ولكن بقول هاتوا البيانات اللي انتوا بتتكلموا عليها وقوائم الاختفاء القسري".
وتابع: "الكلام ده عملناه قبل كده وكان فيه لجنة شكلت في أول مؤتمر شباب وأي إجراء خاطئ مستعدين لتصويبه وبعدين هو إنتوا بتحبوا شعبنا أكتر مننا هو إنتوا خايفين على بلادنا أكتر مننا، إحنا بلادنا مش لايقة تأكل هذه البلد عايزة تعيش وعايزة تنمو وتبقى حكاية محدش يعيقنا بهذا الكلام اعملوا لجنة وشوفوا".
واستطرد: "عايزين نفضل نشتغل ونبني ونعبر ويبقى عندنا ناتج محلي، دخل الفرد في مصر كلام يحرج، إحنا عايزينه إنه يكسب ويقدر يعيش زي ما الكل يعيش المصري مش لاقي يتفسح علشان مش لاقي عايز يأكل هل الكلام دي يحرجني لا دي قضايا بلدي ودوري إني أخذ البلد لقدام مش حاجة تانية".
