صاحبة فيديو الاستغاثة من زوجها: "بيضربني لو نسيت أحط سكر على الشاي" (فيديو)

قالت السيدة "حياة" صاحبة فيديو الاستغاثة من زوجها بعد تعديه عليها بالضرب، إنها حاولت الاستغاثة بالجيران عندما قام زوجها بالتعدي عليها، ولكنها فشلت، معقبة: "حاولت أعمل كل حاجة، ومفيش حد لحقني، وماعملتش البث المباشر إلا في الآخر، حاولت الاتصال بأهلي، لكن مكنش في شبكة موبيل عندي".

 وتابعت صاحبة فيديو الاستغاثة، خلال مداخلة هاتفية مع الإعلامي تامر أمين، ببرنامج "آخر النهار"، المذاع على فضائية "النهار"، مساء الثلاثاء، أنها متزوجة منذ 3 شهور، معقبة: "من أول أسبوع بتشتم بأبشع الألفاظ، وبضرب، كان بيطلب مني طلبات غريبة في العلاقة، وما قلتش لحد، عشان مكنش عندي فكرة إن ده أمر غير طبيعي".

ولفتت إلى أن  زوجها كان يقوم بضربها على أقل شيء، متابعة: "كان ممكن يضربني علشان الشاي مفهوش سكر، والشتيمة بأهلي ممكن تكون عادي".

وأشارت إلى أن متزوجة زواج صالونات، وزوجها أكبر منها بـ10 سنوات، والخطوبة كانت قصيرة، ولم تستطع التعرف على زوجها بالشكل الجيد، معقبة:" هددني دلوقتي بماء النار، والبلطجية، وبيشهر بيا وبيتكلم في شرفي، ومش شايف إن ده حرام".