عمرو أديب عن واقعة فتاة الغربية: "الستات في البلد دي غلابة"

عقب الإعلامي عمرو أديب، على واقعة انتحار فتاة الغربية بسبب انتشار صور مفبركة لها، قائلا: "الستات في البلد دي غلابة، لو راجل اتسرب له فيديو عريان مبيحصلش حاجة".

وأشار "أديب"، خلال برنامج "الحكاية" المذاع عبر فضائية "إم بي سي مصر"، مساء الإثنين، إلى أنه لو أخطأت فتاة "ليه تدبح هى غلطت بس ضحية"، مضيفة: "واحدة غلطت نموتها يعني نرميها برة البلد.. ليه الستات بيتعمل فيهم كده.. سواء الواقعة حقيقية أو مفبركة بيتمسح بيها الأرض".

وأضاف: "لو الفيديو لراجل يقولوا عليه عنتيل، وفحل.. بشويش رفقا بالقوارير، الستات بتغلط زي الرجالة"، متابعا: "كل راجل وست يقلعوا قصاد بعض على التليفون.. ده بيحصل كمان بين المتجوزين، كلنا بنغلط"، متسائلا: "أين الرحمة والإنسانية".

وتابع: “الستات في مصر بتتبهدل.. الست هى الحيطة المايلة في مصر، إيه اللي بيجرى للستات ده"، مشددا على أهمية أن تحصل المرأة على حقوقها حتى وإن أخطأت.

ولفت إلى أن هناك شيوخ كل فتواهم عن المرأة، معلقا: “كلمونا عن العدالة، هو الإسلام مفيهوش غير فتاوى عن الستات”.