سيدة أسوانية للسيسي: "إنت نور عينينا ومش لاقين شبر نبني".. شاهد رد الرئيس
طالبت سيدة أسوانية أحد المشاركات في معرض أسوان للحرف التراثية من الرئيس السيسي توفير قطعة أرض فضاء للبناء عليها لأن قريتها لا يوجد فيها شبر للبناء عليها.
وقالت السيدة الأسوانية: "يا رئيس إنت دايما بتقولنا إنتوا نور عينينا، إحنا بنقولك إنت اللي نور عينينا وعايزينك تشوف مستقبل الشباب، أنا عايشة في بيت عائلة ومش عايزة عيالي يقعدوا في بيت عائلة، مش لاقين شبر نبني في قريتنا عايزين أرض فضاء نبني عليها".
من جانبه، رد الرئيس السيسي: "الأرض الزراعية لازم نحافظ عليها ولكن في الظهير الصحراوي ممكن نعمل كده، بس برضو إحنا محتاجين نغير عاداتنا".
وكان افتتح الرئيس السيسي مدينة أسوان الجديدة وكورنيش المدينة ومنطقة الإسكان والفيلات، وتفقد معرض الحرف التراثية في أسوان.
وتفقد الرئيس السيسي صباح اليوم مصنع اليوريا ونترات الأمونيا بمنطقة كيما بمحافظة أسوان، كما تفقد محطة سكك حديد أسوان حيث شهد تدشين الوحدات المتحركة الجديدة بمختلف أنواعها من قاطرات وعربات السكك الحديدية.
