"هقول كلام صعب".. السيسي يعلق على تنفيذ المشروعات القومية الكبرى (فيديو)

قال الرئيس عبدالفتاح السيسي، إن تكلفة تنفيذ مشروعات توشكى 450 مليار جنيه حتى نستطيع زراعة 2.5 مليون فدان، يساهموا في توفير فرص عمل ومنتجات غذائية.

وأضاف "السيسي"، خلال كلمته على هامش افتتاح عدد من المشروعات القومية بتوشكي، اليوم الأحد،:  "هقول كلام صعب، اللي بنعمله ده صناعة المستحيل في قياس ومعايير أي حد، اللي يشوف اللي بنعمله 3 مشروعات بنتكلم على تسليم الأرض مزروعة نوفمبر العام المقبل، مش بنتكلم خالص هيتعملوا إزاي وهيتكلفوا كام".

وتابع الرئيس السيسي، مخاطبًا اللواء إيهاب الفار، رئيس الههيئة الهندسية للقوات المسلحة: "عندك مشكلة يا إيهاب"، ليعقب: "لا يافندم مفيش مشكلة في الفلوس ان شاء الله"، فأجاب الرئيس: "مادام مفيش مشكلة يبقى الكلام يتعمل، يبقى ننام"، ليرد إيهاب الفار: "لا والله مبنمش يافندم"، وعقب الرئيس: "لا ننام ولا نستريح لحد مانعمل اللي علينا قصاد ربنا".