شاهد.. السيسي لـ أحد المقاولين: يا حاج سعيد تشتغل في محور دشنا وتخلصه في سنة

استعرض المهندس كامل الوزير، وزير النقل، خطة المحاور المستقبلية المقرر إنشاؤها، وعقب الرئيس عبدالفتاح السيسي، قائلا: "تسمحلي ادخل في اللي إنت عاملينه ده".

وقال "السيسي"، خلال كلمته بافتتاح سلسلة من المشروعات القومية الجديدة بمختلف القطاعات بصعيد مصر، "بص يا كامل، لو عملت المحاور ده هدخل في الأرض الزراعية"، ليرد "الوزير"، أنهم لا ينفذون أي طريق في أراضي زراعية إلا محاور النيل لأنهم مضطرين لها.

وأضاف وزير النقل، أنهم لن يتوقفوا عن إنشاء محاور بعد 2024، وسأله الرئيس السيسي عن تكلفة إنشاء 3 محاور، ورد "الوزير": "المحور في الأسعار الجديدة يكلف 3 مليار، يعني 3 محاور يكلفوا 9 مليار".

ورد رئيس الوزراء الدكتور مصطفى مدبولي ضاحكا: "إن شاء الله يكونوا أقل من كده"، فقال وزير النقل: "7.5 مليار وهنحاول ضغط شوية"، فعقب السيسي ضاحكا: "لا يا راجل".

وخاطب الرئيس السيسي، أحد المقاولين العاملين في محاور الطرق الجديدة ويدعى الحاج سعيد، قائلا: "يا حاج سعيد تشتغل في محور دشنا وتخلصه خلال سنة، وتاخد الفلوس بعد السنة.. أحرجتك مش كده، لا مش عايز احرجك هعطيك جزء، هتاخد 25% لحد ما تخلص"، فرد "الحاج سعيد": "أوامر يا فندم".

وأضاف "السيسي"، الناس اللي شغالة مع الدولة جدعان أوي.. وبشكرهم".