السيسي لـ "طلاب الذكاء الاصطناعي": "اللي بتدرسوه ده المستقبل كله" (فيديو)
قال الرئيس عبد الفتاح السيسي، لطلاب كلية الذكاء الاصطناعي بجامعة كفر الشيخ: “اللي بتدرسوه ده المستقبل كله، وكل ما يتعلق بالرقمنة مستقبل الدنيا كلها وليس مصر فقط، والفرصة الحقيقة موجودة في هذا النوع من التعليم الخاص بالذكاء الاصطناعي لجميع الشباب المصري”.
وأضاف "السيسي"، خلال تفقده كلية الذكاء الاصطناعي بجامعة كفر الشيخ، اليوم الثلاثاء، لطلاب كلية الذكاء الصناعي: "حد عايز يقولي حاجة"، ليرد طالب: "نتمنى أن نشارك ككلية ذكاء اصطناعي أن نطبق الذكاء الاصطناعي في المدن الجديدة اللي حضرتك بتنشأها بما يساهم في توفير وقت ومجهود وتكلفة كبيرة"، مما دفع الرئيس للتعقيب: "إحنا اللي محتاجين، ده مطلب مني لكم، إحنا محتاجين بالفعل للشباب ان يساهم في بناء النظام وصيانة وتشغيل النظام".
وعقبت طالبة بالكلية: "بنشكر حضرتك انك ادتلنا فرصة نتعلم المجال ده ونساعد بيه بلدنا"، ليعقب الرئيس: "أنا اللي بشكركم وبوجه من خلالكم رسالة لكل اللي هيلتحقوا للجامعات انتبهوا وأوعوا تترددوا أنكم تدخلوا هذا المجال حتى لو كان المجال غريب عليكم اللي هتدرسوه هو المستقبل كله، هتلاقوا فرص عمل في مصر وفي المنطقة المحيطة وفي العالم اجمع"، معربًا عن سعادته بهذا المجال من التعليم.
