"أنت كداب وحرامي وربنا ينتقم منك".. مشادة على الهواء بين شريفة ماهر وابنها

دخلت الفنانة شريفة ماهر، في نوبة بكاء على الهواء، أثناء حديثها عن ابنها الذي اتهمته بضربها وسبها والاستيلاء على أملاكها مستغلا قلة حيلتها وضعف نظرها.

ودعت  على ابنها - خلال حوارها مع الإعلامية بسمة وهبة مقدمة برنامج “90 دقيقة”، المذاع على قناة “المحور”-  قائلة: "الله لا يكسبك يا بعيد..  أنا مش مضيت لك على حاجة، انت اللي مضيتني، انت سلطت البواب عليّ وبيقوله ميجيبليش حاجة وبيقول للناس إن عندي زهايمر، حسبي الله ونعم الوكيل فيك، ربنا ينتقم منك".

ليرد عليها نجلها خلال مداخلة هاتفية بالبرنامج، قائلًا: "عارف إن الجنة تحت أقدام الأمهات، مش ممكن أشتمها وإيدي تتقطع قبل ما أمدها، لكني اشتريت الشقق اللي عليها المشكلة وعامل صحة توقيع منذ 2007 والمهندس الذي بنى العمارة معها شهود على هذه العقود". 

لترد عليه والدته: "مزورة وهسجنك"، وعقب، قائلًا: "بتقول بايعة لبنتها منذ عام 2011، وازاي هغير عقد البيع اللي هي بايعاه، اديتها فوق المليون جنيه وفوق الـ100 ألف جنيه سمسرة في الفيلا التي باعتها". 

وصرخت الفنانة شريفة ماهر في وجهه، قائلةً: “يا كداب، إنت بتصلي إنت؟! إنت كداب وضلالي ربنا ينتقدم منك يا بعيد وربنا يوريني فيك يوم يا بعيد  ربنا هينتقم منك يا بعيد  يا حرامي”. 

وأكد شريف، أن أمه حررت محضرا ضده واتهمته فيه بالضرب والشتم وكسر الشقة دون وجود أي إصابات، وهو ما يتضارب مع روايتها الآن التي تقول فيها إنه تسبب في كسر ذراعها منذ 4 سنوات، موضحًا أن النيابة حفظت المحضر. 

وأتم: “باعت شقتي لحد تاني ومرضتش أعمل محضر فيها ولحد الشهر اللي فات بعتلها لحمة وفراخ وأرز ومكرونة وببعتلها مؤن تكفيها شهر كامل”، لترد عليه والدته: “رمتهم”.