إبراهيم عيسى: الخلفاء العثمانيون كانوا بيطلعوا فتاوى علشان يقتلوا إخواتهم (فيديو)
قال الإعلامي إبراهيم عيسى، إن الإخوان فكرة وفكرتهم متمثلة في حلم الخلافة التي لا يتم محاربتها حتى الآن.
وأضاف "عيسى" خلال تقديم برنامجه "حديث القاهرة" المذاع على فضائية "القاهرة والناس":"أنت لم تحارب هذه الفكرة بأنك تقول عليها أنها فكرة مزيفة".
وتابع "وأن اللي عايز يرجع الحلافة زي اللي عايز يرجع الاسكندر أو الإمبراطورية الرومانية، ما الاسكندر كان سيد العالم والرومانية كانت تملك نصف العالم يبقى نرجعها زي الخلافة".
واستطرد "الخلافة فكرة مزيفة وكذابة وحلم الخلافة والدولة الإسلامية موجود عند الناس ويُكذب عليهم ويقال لهم دي حاجة كويسة ولكن لا أحد يتحدث عن دموية الخلافة وأن فيه خليفة قتل ابنه علشان لا يرثه في الحكم والابن اللي قتل أبوه علشان يورثه".
وأردف "إن الخلفاء العثمانيون كانوا بيقتلوا أخواتهم وبيطلعوا فتاوى شرعية بقتل كل أخواته عشان ميبقاش في صراع على الحكم وتنضف الإمبراطورية له دون نزاع".
