يوسف الحسيني عن زيادة الحد الأدنى بالفنادق: "قرار رائع وتسويقنا السياحي أهم" (فيديو)

أشاد الإعلامي يوسف الحسيني بقرار الدولة المصرية بشأن تحديد الحد الأدنى للإقامة بالفنادق، قائلًا " قرار رائع وتسويقنا السياحي أهم".

وأضاف "الحسيني" خلال تقديم برنامجه "التاسعة" المذاع على "الفضائية الأولى المصرية": "إحنا كان عندنا تسعير غير مفهوم بيحصل من بعض أصحاب المنشآت الفندقية".

وتابع "تلاقي زبون سائح جاي من أوروبا هيقعد أسبوع راكب طائرة وهينزل في الأوتيل واكل شارب نايم ويركب الطائرة ويرجع بلده وكل ده من 600 إلى 800 يورو بما يوازي 1800 جنيه شامل الوجبات".

واستطرد: "ده كان بيجيب السائح الصغير في السن اللي يجي يقعد في أحلى مصيف فيكي في مصر وهذا السائح غير مفيد وهذا السائح ليس ما تحتاجه الدولة المصرية".

وأردف: "اللي أنا محتاجه هو السائح اللي يجي ويصرف إنما هذا السائح مش هيروح ويشتري حاجات ده جاي يقعد يأكل ويشرب ويستمتع بالهواء من غير ولا مليم زيادة".

واستكمل الحسيني حديثه "بقى مصر بآثارها وبلاجاتها وحلاوتها تتسعر كده، فكويس جدًا أنه طلع مثل هذا القرار بهذا الشكل".