السيسي: "بيقولوا خليك حلو وسيب الوزراء اللي يكلموا الناس" (فيديو)
وجه الرئيس عبدالفتاح السيسي، رسالة لكل مسئول في مصر قال خلالها: "لو سمحت متسكتش على الغلط علشان مصلحة البلد دي مش علشان حد تاني، أنا مفيش بيني وبين حد خصومة.. انا بيني وبين الباطل والتعدي والظلم خصومة".
وأضاف "السيسي"، خلال كلمته على هامش افتتاح محطة مصرف بحر البقر، اليوم الاثنين،: "يقولك أنت ليه بتحط نفسك في المجالات دي ما تسيب الوزير المسئول أو رئيس الوزراء هو اللي يتكلم وأنت خليك جميل.. خليك حلو يعني، لا مفيش الكلام دة.. البلاد مبتجيش بالدلع والطبطبة، البلاد بتيجي بالجدية والعمل والانضباط والالتزام، ولازم الكل يكون مقتنع بكدة".
وتابع الرئيس السيسي، التعدي على الجسور، والبناء على الأراضي الزراعية غير مقبول، مشددًا على أن هوجة البناء على الأراضي الزراعية خلال الـ 3-4 سنوات الماضية انتهت، مضيفًا للمصريين: "أنتوا بتهدوا بلادكم والله.. هذا السلوك والمسار هدم لقدرات الدولة، مفيش حد بيعمل كده في بلده".
