إعلامي عن قرار "الحصة بـ20 جنيها": "أقل من ثمن السندوتش" (فيديو)
علق الإعلامي محمد علي خير، على قرار وزارة التربية والتعليم الاستعانة بمعلمين بأجر 20 جنيها لكل "حصة"، قائلًا:" يعني الوزارة هتشغل المدرس الساعة بـ20 جنيه، بإجمالي 24 حصة في الأسبوع أي بمتوسط 5 حصص في الاسبوع في 20 جنيه أي بـ100 جنيه في اليوم، هذا لا يجوز.. ده هيصرفهم على المواصلات والإفطار".
وتساءل "خير"، خلال تقديمه برنامج "المصري أفندي"، المذاع على فضائية "المحور"، مساء الأربعاء،: "هل يجوز ان الحكومة تشغل المعلم بـ20 جنيه، ده لو احنا جبنا أي عامل يعمل أي حاجة في البيت هياخد 250 و3500 جنيه مصنعية، العالم اليوم يوميته في الغيط200 جنيه للعمل أربع ساعات"
ولفت إلى أن القرار الوزاري نص على عدم زيادة أن ما يتقاضاه هذا المعلم عن 480 جنيه في الأسبوع، معقبًا: "ازاي واحنا بنبني جمهورية جديدة نشغل المدرس بـ20 جنيه، يعني المدرس هياخد أجر أقل من ثمن السنداوتش اللي طالب هياكله في المدرسة، ده اهانة للتعليم والمدرس والتلميذ"
