مستشار الرئيس: "بنتي وقفت 5 ساعات بالطابور لتحصل على اللقاح"
قال الدكتور محمد عوض تاج الدين، مستشار الرئيس للشئون الصحية، إن مصر لم تشهد أي تداعيات أو أعراض خطيرة من التطعيم ضد فيروس كورونا، داعيا المواطنين إلى الالتزام بالمواعيد المحددة تجنبا للزحام أمام مراكز تلقي اللقاح.
أضاف "تاج"، خلال مداخلة مع الإعلامي معتز عبد الفتاح، ببرنامج "تحت الشمس"، المذاع على فضائية "الشمس"، مساء الإثنين،: "الغالبية العظمى مش بيحصلهم حاجة، والناس بترتفع حرارتهم ليوم أو يومين، وناس بيجيلهم شوية ألم مكان الحقن، ولكن بالمتابعة الدقيقة للملايين اللي تم تطعيمهم لم يحدث أي أعراض خطيرة لأحدهم والحمد لله".
وتابع: "هناك إقبال حقيقي وزائد على التطعيم ما يفسر الزحام أمام مراكز تلقي اللقاح، أنا بنتي راحت اتطعمت الأسبوع اللي فات وفضلت واقفة في الطابور 5 ساعات لحد ما اطعمت بسبب الإقبال الشديد، وجالها شوية سخونية بعدها مش أكتر، ومعلش نستحمل بعض بشوية صبر عشان نعدي بسلام".
