بوسي سعد عن مكالمة "السيسي": فخورة ولم أتوقع الوصول للرئيس (فيديو)

كشفت بوسي سعد، أول حدادة في المنصورة، عن كواليس مكالمة الرئيس عبد الفتاح السيسي بالأمس لها، معربة عن سعادتها بتوجيهات الرئيس السيسي بالاهتمام بحالتها وتوفير ورشة لها.

وقالت "بوسي" في تصريحات خاصة لفضائية "تن" اليوم الخميس: "أنا شغالة حدادة في سوق الحدادين من وأنا عندي 7 سنوات، وأنا وراثة هذه المهنة أبًا عن جد".

وأضافت: "فخورة بمكالمة الرئيس ليا، أنا مبسوطة وبشكره، سعيدة إني وصلت لحضرتك، والمسئولين كلموني وقالولي إحنا تحت أمرك وهيوفروا ليا شقة مفروشة غرفتين وصالة، وبالنسبة للورشة قالولي استني شوية وهنسلمهالك، وهيعمولولي معاش لمدة سنة".

وتابعت: " لم أكن أتوقع إني هوصل للرئيس بشوفه بيعمل خير كتير، وكنت بتمنى أي مسئول من طرف الرئيس يشوف حالتي، ولكن إن الرئيس بنفسه يتدخل ده حاجة كبيرة أنا بشكر سيادته ربنا يديله الصحة ويخليه لينا".

واستطردت: "طول ما حضرتك موجود في خير وسلام وأمان في البلد، إحنا ولادك وأنا منمتش من كتر الفرحة وولادي مبسوطين، ربنا يبارك فيك ومصر بخير طول ما أنت بخير وطول ما أنت موجود".