السيسي: لو وفرنا ماشية للفلاح تنتج 30 كيلو لبن يوميا هتفرق معاه كتير
قال الرئيس عبدالفتاح السيسي، إن صندوق تحيا مصر حقق نجاحا في المبادرات التي أطلقها، معلقا: "بس لسه.. الخير عايزين نعمل فيه أكتر"، مشيرا إلى أنه كلما كانت قدراتنا المالية كبيرة كلما استطعنا تحقيق أمور أكثر.
وأشار "السيسي"، خلال احتفالية أبواب الخير بالعاصمة الإدارية الجديدة، اليوم الأحد، إلى أننا استطعنا تحويل أسرة تعاني من احتياج شديد إلى أن تستطع أن تلبي احتياجاتها "هنكون عملنا حاجة جميلة"، مضيفا: "إحنا بنوزع رأس ماشية على مواطنين في الريف تساعدهم.. بس هى هتجيب إيه، هتقولي ده كويس قياسا بالظروف، هقولك أنهى نوع رأس ماشية بتوفرها له، في نوع بتجيب 40 كيلو لبن في اليوم، ودي غالية".
وأضاف، "النوع ده بياكل وبيشرب زي العادية، يا ترى نقدر نوفر للمواطن نوع من رؤوس الماشية اللي تجبله 30 كيلو لبن في اليوم هتفرق معاه كتير أوي، لو وفرنا له النوع ده هكون سعيد، هى غالية شوية، وفي نوع جاموس بيجيب 25 كيلو، أنا بتكلم على الفكرة عايزين نقول خرجنا أسر من الحالة دي لحالة تانية".
