الباز عن يوم فض رابعة: "الإخوان بيعيطوا" والدولة تتقدم وتبني المشروعات
قال الإعلامي محمد الباز، إن عبقرية هذه الاحتفالات التي تقوم بها الدولة المصرية على غرار حفل إفطار الأسرة المصرية وغيرها من هذه الاحتفالات هو التصدي إلى محاولات البعض لتشويه بعض الأيام المهمة في الدولة المصرية.
وأضاف "الباز" خلال تقديم برنامجه "آخر النهار" المذاع على فضائية "النهار" اليوم السبت: "هذا اليوم يصادف يوم فض اعتصام رابعة، وفيه ناس من أتباع الجماعة بيعيطوا ويبكوا ويقولوا لن ننسى وفيه حالة جدل كاملة، تيجي الدولة المصرية اللي فيها ناس عايزة تجرجرك إلى الوراء وتفتح عدد من المشروعات السكنية ومساحة من البناء تقودك إلى الأمام".
وتابع: "الأيام اللي بعض الناس عايزين يشوهوها ويتم استهلاكنا في موضوعات مضت، ولكن الدولة المصرية تقفز إلى الأمام وتلون الأيام التي يريد البعض تشويهها وتلونها بالمستقبل مثلما حدث في افتتاح قاعدة 3 يوليو وهذا اليوم بافتتاح عدد من مشروعات الإسكان الاجتماعي".
واستطرد: "الرئيس السيسي يقول أنا قاعد على كل حاجة بتحصل في البلد ومفيش أي حاجة هتحصل إلا زي ما الكتاب بيقول وده سر من أسرار هذه الفترة بتقول الحاجات كانت بتتعمل مشي حالك، الناس كانت بتقول عك وربك يفك، وهذا يدعو إلى ضرورة تغيير الخطاب الشعبي مثلما نطالب بتغيير الخطاب الديني والثقافي".
وأوضح "عندنا فيه بلاوي وبعض الأمثال فيها كوارث ضد الدين والعقل والقلب، ربنا هو اللي بيسترها ولكن لا تبدأ من هذه الفكرة، اشتغل شغلك واعمل شغلك كما ينبغي ولما يحصل مشاكل يكون فيه قضية تانية، وهذا اللقاء بين الرئيس والمصريين كسر لحواجز كبيرة أن كلنا مع بعض وكلنا إيد واحدة وكلنا هنفضل شغالين مع بعض وكلنا نعمل علشان البلد دي".
