عاجل.. رسالة جديدة من السيسي للمصريين بشأن الدعم: هنعيد تنظيمه
قال الرئيس عبدالفتاح السيسي، إن الناس تصاب بالاندهاش عند الحديث عن إعادة صياغة الدعم، معلقا: "بيقولوا ما انت ماشي كويس والناس كلها بتحبك.. إحنا بنعمل كده عشان بلدنا مش عشان الناس تحبنا، إحنا بنعمل اللي يرضي ربنا سبحانه وتعالى".
وأشار "السيسي"، خلال كلمته أثناء افتتاح عدد من المشروعات السكنية، من مدينة بدر، اليوم السبت، "إحنا بنتصدى لقضايا كل الناس لا تتصدى لها... مفيش حاجة اسمها ماليش دعوة، النهاردة اللي كان قاعد في بيت في منطقة غير آمنة حصل على شقة بـ 500 ألف جنيه، مصر أعطته 500 ألف جنيه".
وأضاف: "عشان نكمل الموضوع لازم نعيد ترتيب وصياغة دعمنا اللي بنقدمه للناس"، موضحا أن قيمة الدعم سنويا تصل إلى 275 مليار جنيه تقريبا، أي نحو 3 تريليون على مدى 10 سنوات، منوها بأن المبلغ المطلوب لتطوير الريف المصري يكلف 800 مليار جنيه في 3 سنوات، معلقا: "ارجو تربطوا الكلام مع بعضه".
واستطرد، "أنا مش هلغي الدعم متخافوش.. إنما هنعيد تنظيمه، وأنا بتصدى للقضايا مثلما تصديت للمناطق العشوائية، لازم أرتب ورق البلد دي حتى تكون دولة ذات شأن، أنا بختار الطريق الصعب، الطريق السهل إني اسكت، أنا عندي ماكلش وأعيش بشكل آدمي ومحترم".
