السيسي يوجه رسالة مهمة للإعلام.. ويؤكد: "صعب إرضائي"
قال الرئيس عبد الفتاح السيسي، إن بطبيعة الحال صعب إرضائي جدًا، وعايز كل حاجة كويسة جدًا وعايزين 100 ألف مشروع في مصر، معقبًا: "ما تحقق من تطوير بقناة السويس والمنطقة الاقتصادية لسة بدري على اللي احنا عايزينه".
وأكد "السيسي"، خلال مؤتمر صحفي والمذاع عبر فضائية "إكسترا نيوز"، اليوم الثلاثاء، أنه له توصية للإعلام، منوهًا بأنه منذ أيام تم الحديث عن مشروع الدلتا الجديدة لزراعة مليون ونصف فدان على طريق الضبعة شمال وجنوب، ولاحظ عدم اهتمام الإعلام بالخبر بشكل كبير، متابعًا: "لو محتاجين بيانات وتفاصيل عن المشروع الجهات المعنية هتقدملكم بيانات، المليون ونصف فدان بمنطقة الضبعة الغربية المياه بتاعتها جاية منين، إحنا ماخدناش مياه حد، احنا بنعالج مياهنا معالجة ثلاثية متطورة طبقا للمعايير العالمية لتصبح صالحة للزراعة، مضيفًا للإعلام: "من فضلكم انقلوا اللي بنعملوا للناس، أنتوا محتاجين تكرروا الكلام ده للناس، مش علشان تعززوا حد وإنما لتعزيز بلدكم".
وتابع، أن الصوب الزراعية ساهمت في إنتاج 100 ألف طن سلع: "إحنا عاملين للكلام ده لصالح الناس في مصر، ولو في فرصة نصدر، وده ساهم في استقرار الأسعار إلى حد كبير".
وأوضح، أن تكلفة الفدان الواحد الذين نسعى لزراعته بمياه معالجة سواء في محطة بحر البقر أو منطقة الحمام، تستلزم إنشاء محطات رفع ومحطات كهرباء، ثم معالجة المياه بتكلفة ثم تهيئة الأرض للزراعة وإقامة البنية الإنشائية الخاصة بها، تصل لـ 200 ألف جنيه.
وأضاف، للإعلام: "خلوا الناس تعرف أن بلدهم كبيرة وقادرة، أنا شوفت المشروعات زمان كانت بتتغطى برسومات وبيانات دقيقة وتقارير يومية تنقل عن المسئولين المعنيين بالموضوع".
