محمد منير عن أزمة كورونا: "واضح إننا أغضبنا ربنا"
قال الفنان الكبير محمد منير "الكينج"، تعليقا على جائحة فيروس كورونا: "واضح إننا أغضبنا ربنا في العالم كله، وأتذكر فيلسوف ألماني كان بيكلمني قريبًا وبيقولي إن دي لعنة من لعنات ربنا".
وتابع "منير"، خلال مداخلة هاتفية مع الإعلامية لميس الحديدي، ببرنامج "كلمة أخيرة"، المذاع على فضائية "ON"، مساء الاثنين، في تعليقا على علاقته الخاصة بألمانيا والشعب الألماني قائلًا: " أنا موجود هناك من سنة 1991 عشان كده سر علاقتي بيهم أني كل ما بسافر بسافر بباسبور مصري، وبرجع برضه بباسبور مصري فيبقى الوطن الأول هو مصر، والوطن الثاني هو ألمانيا، ومحدش بينسى مصر بلده ابدًا".
وحول تعاونه مع الشباب الجدد قال: "كل ألبوماتي عناصر شابة، لأن ماعدش فاضل حد، الأبنودي مات، وسيد حجاب مات، وعبدالرحيم منصور مات، اللي فاضل بالنسبة لي مجدي نجيب وغالبًا أغنيته الشهر المقبل، وده اللي فاضل من الحلوين، والباقي كله مواهب جديدة والمواهب دي دائمًا بشوفها بشكل جديد، وبتستغرق وقت كبير وبتعب الموزعين واللي بيكتبوا أو بيلحنوا الأغاني معايا، لأني بحلم بيها وبشوفها كمواهب بشكل آخر.. وكنت معتاد على الناس الكبيرة الله يرحمهم".
