عمرو أديب يسب المقاول الهارب على الهواء (فيديو)
عقب الإعلامي عمرو أديب، على التسريب الذي انتشر للمقاول الهارب محمد علي والذي كشف فيه رغبته في جمع المال من قطر، قائلا: "مقاول فعلا.. هو في دماغه أن قطر اللي بيتلسعوا على قفاهم".
وأضاف "أديب"، خلال برنامج "الحكاية" المذاع عبر فضائية "إم بي سي مصر"، مساء الجمعة، مستنكرا: "هو ده المناضل اللي البلد تهمه.. محمد علي بيقول قطر بتعشقه، طب هو عرف منين المعلومة دي"، مؤكدا أن مصر لا تهم محمد علي.
وسب الإعلامي عمرو أديب، المقاول الهارب، قائلا: "ده مقاول مش فنان.. مفيش فنان... كده، ولا حتى في مقاول كده".
عرضت فضائية "إكسترا نيوز"، مساء الخميس، مقطع فيديو، يفضح المقاول الهارب محمد علي ويكشف رغبته في جني الأموال من قطر، نقلًا عن موقع العربي الحديث.
وقال محمد علي خلال الفيديو: "النجاح هييجي منين؟ قولتلك أول حاجة خدها كده قطر وطن عربي وبيحبني، والمغرب بيحبوني والجزائر بيحبوني، بس أغناهم قطر هايشتروا الفيلم بتاعنا، معاك برومو هيشتروه عشان هما بيكروهوا السيسي وأنا معاهم، وهما بيحبوني".
واستكمل: "هيدونا الفلوس إللي إحنا صرفناها وأكتر، بس خلاص جيبنا تكاليفنا ونبدأ بقى نبيع نتفليكس وفتحي فيلكس وشريف فيلكس، ونجيب الصحف الأمريكية ده مكسب زيادة، بس إحنا التارجت عشان قطر معاها فلوس، وهما بيعشقوني عشق، لما نعملهم فيلم حبتين أكشن وبتاع هيروح الأجانب لما قطر تشتري هيشتروا، تكون كده جيبت دنيتك وفلوسك وادي الراجل فلوسه ببرومو، هناخد الفلوس هفكر معاك في الفيلم وهروق".
وأضاف: "تعالى بقى نلعب في الفيلم، المكالمة دي إللي بيني وبينك، التانية الناس تبعتلي فلوس همضي معاك، كده إنت أونس، مفيش مكالمات تاني، تبعت أجي أصور ونتكلم في الفيلم دهاليز الفيلم".
