طالب "التنمر" بكفر الشيخ: "كان معايا واحد إيده مكسورة"
كشف الطالب أحمد عمر، تفاصيل واقعة التنمر التي تعرض لها أثناء تقديمه بكلية التربية الرياضية، بسبب اصابته بـ "الشفاة الأرنبية".
قال "عمر"، خلال اتصال هاتفي ببرنامج "مساء DMC" المذاع عبر فضائية "DMC"، مساء الجمعة، إنه لا يستحق أن يتعرض لمعاملة بهذا الأسلوب، معقبا: "محصلش أن مسئول اللجنة أخدني على جمب واتكلم معايا على انفراد.. أقسم بالله واحد كان معايا إيده مكسورة".
وأضاف أن مسئول اللجنة قال له "البس هدومك وامشي أنت مش لايق على الكلية"، لافتا إلى أنه يمارس حياته بشكل طبيعي، معلقا: "بلعب أكتر من رياضة".
وكان أحمد عمر من أبناء محافظة كفر الشيخ، كتب على صفحة التواصل الاجتماعي "فيسبوك" عن تعرضه للتنمر خلال تقديمه لاختبارات القدرات بكلية التربية الرياضية بجامعة كفر الشيخ.
وكتب في المنشور: "موقف حصلي النهاردة وأنا بقدم كلية تربية رياضية، رحت الساعة 9 الكلية عشان أقدم الورق وادخل الاختبارات وقعدت أنزل واطلع من الساعة 9 للساعة 1 وبعد كده قعدت ساعة على ما دخلوني ودفعت 450 جنيها الأول غير الورق اللي صورته وبعد كده دخلت وقلعت ما عدا الملابس الداخلية وبعد كده قست الطول والوزن وطلع مناسب جدا وبعد كده رحت للدكتور التاني عشان الاختبار، انزل عشرة ضغط، أقف على مشط رجلك ونط، أقعد وأقف وانت مربع من غير ما تسند وبعد كده قالوا لنا ننزل الكمامة وبعدها لقيت نظراته ليا اتغيرت وقعد مركز معايا شوية ومركز فى شفتي أوي، بعدها ندهلي قالي اسمك إيه قلت له كذا كذا يا دكتور قالي إيه اللي فى شفتك ده، قلت له عملية حضرتك وبعد خمس شهور بالكتير هعمل عملية تانية وشفتي هترجع طبيعية وهشيل التقويم وهبقى زي الفل".
