مصاب حادث "تذكرة القطار" يكشف تفاصيل جديدة عن الواقعة

روّى أحمد سمير، المصاب في حادث تذكرة قطار الإسكندرية، تفاصيل الواقعة، قائلًا "إنهم اضطرا لركوب قطار vip بسبب ظروف الطقس السيئة"، مضيفا: "كنا لسه راكبين القطر كان معانا 35 جنيه، ونزلت جيبت كوباية شاي بـ3 جنيه شربتها أنا ومحمد وفضل معانا 32 جنيه".

وتابع "سمير"، خلال مداخلة تليفونية مع الإعلامي شريف عامر، ببرنامج "يحدث في مصر"، المذاع على فضائية "إم بي سي مصر" مساء اليوم الأربعاء: "جه رئيس القطر قال هاتوا التذاكر وفي غرامة، وطيت صوتي وبتكلم مع الكمسري بستسمحه إن مش معانا فلوس، لأننا كنا رايحين في مصلحة شغل وما بيعناش بجنيه واحد حتى، ومش معانا غير 30 جنيه، قال طب هاتوا البطاقات، محمد قاله عايز تاخد مننا البطاقات ليه إحنا مش وش بهدلة إنت عايز تحبسنا، اعتبرنا زي إخواتك، قاله أنا إخواتي مش بيركبوا القطر، قاله طب نزلنا بنها، قاله مش بيقف غير في القاهرة".

واستكمل: "رئيس القطار انفعل علينا بشدة، الراجل كان صوته بيكهربلي وداني من الزعيق، وكنت محروج من الكلام إللي بيقوله قدام الناس، وقالنا انزلوا من القطر بوشكم، وفتح لنا الباب".