شقيق ضحية قطار الإسكندرية: وزير النقل تعهد بدفع نفقات المحامي من "جيبه"
كشف تامر عيد، شقيق محمد عيد ضحية قطار الإسكندرية، كواليس ما دار بينهم وبين وزير النقل كامل الوزير، أثناء زيارتهم اليوم، لتقديم واجب العزاء في شقيقه، قائلًا: "وزير النقل ابن بلد وجدع واتكلم معايا بكل صراحة، وقالي إللي إنت عايزه أنا هعملهولك، قولتله أنا عايز حق أخويا، وطلبت منه تسريع الإجراءات، وقالي مفيش حاجة هتطول إن شاء الله".
وعن تكاليف صوان العزاء، وحقيقة مشاركة وزير النقل فيها، قال"عيد"، خلال مداخلة تليفونية مع الإعلامي محمد الباز، ببرنامجه "90 دقيقة"، المذاع على فضائية "المحور" مساء اليوم الثلاثاء،: "عزا أخويا اتعمل وأنا مش هقول غير كده، مش بطبل لحد ولا بفخم لحد لأني ليا حد".
وأشار إلى أن وزير النقل تعهد بدفع نفقات المحامي من أمواله الخاصة.
