الحسيني: لو حد قال للناس كلمة ثورة هيلبسوه بالكوباية في وشه.. والسيسي مبيتخضش (فيديو)
قال الإعلامي يوسف الحسيني، إن الشعب المصري مر بتجربة قيام ثورة في بلده، متابعًا: "الناس لو حد قالهم كلمة ثورة هيلبسوه بالكوباية في وشه سواء عاجبهم آداء الرئيس أو لا؛ لأنهم مروا بالتجربة، ولأن المواطن البسيط تأثر بالثورة".
وتابع "الحسيني"، خلال حواره مع برنامج "الآن"، المذاع على فضائية "إكسترا نيوز" مساء اليوم الأحد، موجهًا حديثه للإخوان: "في كل الأحوال إحنا عمرنا ما هنكون مع بعض، ريحوا نفسكم عمرنا ما هنبقى سوا ولا هنقف مع بعض في نفس المربع ولا هنقف مع بعض على نفس الخط"، مستكملًا: "الناس اللي بتقف معاهم أول ناس بتتأذى منهم".
واستكمل الإعلامي، موجهًا حديثه للإخوان: "أنتم تنظيم مسلح، يا نحكم يا نقتل، لا أنتم معارضة ولا أنتم ليكم علاقة بالديموقراطية"، لافتًا إلى أن الجماعة تحاول محاولة لإثبات الوجود وإثبات الذات وصراع الوجود والبقاء، وإثبات أنهم ما زالوا موجودين وقادرين على التأثير، متابعًا: "مفيش ثورة في الدنيا قامت من غير شعب".
وعلق الإعلامي يوسف الحسيني، على دعوات الإخوان للتظاهر، قائلًا: "القيادة السياسية مش بتتأثر ومش بتتخض، الرئيس السيسي مش بيتخض، شغلته إنه ميتخضش وإنه قلبه يكون جامد".
وأضاف "الحسيني": "بعد كل الناس اللي الناس شافته وجربته في الثورات عمرهم ما هيتخضوا زي ما الإخوان فاكرين إنهم يقدروا يخضوهم، مافيش أشجع من المصريين على مدار التاريخ، ولا يوجد أي شعب في حجم قناعة المصريين".
