تفاصيل مثيرة تكشفها رانيا يوسف في أول ظهور إعلامي بعد أزمة فستانها (فيديو)

وأوضحت "يوسف"، خلال مداخلة تليفونية مع الإعلامية إيمان الحصري، ببرنامج "مساء DMC"، المذاع على فضائية "DMC" مساء الأحد: "الفستان ماكنش كده بس مع الحركة والقماشة عمل كده، وأنا أول مرة ألبسه"، لافتة إلى أنها قامت بشراء الفستان من دولة عربية، معقبة: "أنا مش ممكن أكون قاصدة أتعرض للبهدلة إللي بتبهدلها من يوم الخميس، والناس تعرفني من 25 سنة مش أول مرة تعرفني، ومتعرضتش للموقف ده قبل كده".

ولفتت إلى أنها وجدت نفسها في هذا الموقف، ولم تدري ماذا تفعل لأنها أمام المصورين، وواحد فقط منهم من صور الفستان من زاوية معينة، مضيفة: "اتضايقت من شكل الصور لأن المصور كان يقصد تصويرها بهذا الشكل.. ومتخيلتش حجم الحاجات إللي حصلت".

وكشفت أنها لم تتلقى أي دعوة رسمية بتحديد جلسة لمحاكمتها، ولديها محام حال تعرضها لأي سؤال، معقبة: "أنا وولادي وأهلي في موقف مش حلو، ومتوقعتش رد الفعل ده.. أنا كنت مضايقة من الفستان من وأنا في المهرجان بس ماكنتش عارفة أعدل نفسي"، مستكملة: "أنا في حالة ضيق بسبب بناتي، البعض يرسل لهم أشياء غريبة، بناتي خايفين ومخضودين".

وأضافت: "أنا مش ناوية أعمل حاجة خالص الفترة إللي جاية، أكتر حاجة مزعلاني إن سوء النية اتفرض فيا، أنا ست عايشة في النور ومش بخبي حاجة في حياتي"، موجهة حديثها لـ جمهورها، قائلة: "يا جماعة وحياة ولادي إللي حصل غصب عني، والموضوع مش مقصود، ولو الموقف ضايق حد معلش سوري، حقيقي إللي حصل ماكنش مقصود".

يُذكر أن رانيا يوسف ظهرت في حفل ختام مهرجان القاهرة السينمائي، بفستان مثير، ما أثار عاصفة كبيرة من الجدل وتقدم ضدها أحد المحامين ببلاغات يتهمها بنشر الفسق والفجور في المجتمع.