عمرو أديب: أسلوب تصفية المعارضة في الدولة أول بأول "هيودينا في داهية"
علق الإعلامي عمرو أديب، علي معارضة الديمقراطيين خلال خطاب دونالد ترامب بالكونجرس، قائلاً: "دي الديمقراطية بس إحنا معندناش أي ديمقراطية في مصر نهائي".
وأضاف "أديب"، خلال تقديمه برنامج "كل يوم"، المذاع على فضائية "on-e"، اليوم الأربعاء، أن أي معارض في مصر يتم التخلص منه، قائلاً: "أي معارض يتم التخلص منه وضربه وشتمه وتوجيه الاتهامات له وطرده وده بقي من الشعب نفسه مش النظام بس"، متابعًا: "هنعيش إزاي وإحنا مش طايقين بعض خلوا الناس تتكلم وتعبر عن نفسها".
ا
وتابع: "الأهرام اتمسح بيه الأرض ورئيس البرلمان قال إحنا بنصرف عليك وأنت مين أنت؟، والأهرام رد"، معقبًا أن الدولة تخشى مقال واحد لإبراهيم عيسي قائلاً: "لو كلمة تهزك أومال تعمل إيه مع الإرهاب، ياجماعة نسمع بعض شوية دي بلد مفيهاش معارضة؟، هو مين المعارض في مصر، واللي بيقول أنا مالي دلوقتي هيجيي عليه الدور".
واستطرد أن تصفية المعارض في الدولة أول بأول "هتودينا في داهية"، مؤكدًا أنه يستنكر العقاب الجماعي لكل من يريد المعارضة، ساخرًا: "إيه رايكم الدولة تعمل قائمة باللي مفروض محدش يتكلم فيه وأنا عاوز مصلحة البرلمان لان شكله مش حلو النهاردة بعد موقف رئيس البرلمان مع الأهرام".
ووجه رسالة إلى مؤسسات الدولة قائلاً: "ياجماعة بشويش شوية علي الناس هو باقي كام وسيلة إعلامية في مصر؟ وبالطريقة دي وتكميم الافواه الوضع مش هيبقي كويس"، مستنكراً: "في انتخابات الرئاسة القادمة من سيترشح للرئاسة هنذبحه يعني ولا إيه!!".
