عمرو أديب: "الجهاز الإداري للدولة مفيش فايدة منه وهايودينا في داهية"

سخر الإعلامي عمرو أديب، من البيروقراطية المصرية في التعامل مع مشاكل المواطنين قائلاً: "مدام سمحية مش واحدة دي أسرة منتشرة في مصر كلها مهمتها توقف حال الناس".

وأضاف "أديب"، خلال تقديمه برنامج "كل يوم"، المذاع على فضائية "on-e"، اليوم الأربعاء،، أن هناك 8000 وحدة سكنية مرخصة بدون كهرباء والأهالي تائهون بين الأجهزة الإدارية المختلفة، معقبًا: "أنا حزين ده الموضوع كله عاوز إمضاء واحدة من موظف يتشك في إيديه".

وتابع أن الدولة المصرية تتنفس "هدر" كل يوم، قائلاً: "للأسف مفيش فايدة من الجهاز الإداري للدولة اللي بيهدر أموالا كثيرة للدولة والموظف اللي زي مدام سميحة هيودينا في داهية ومستمرة في خراب البلد ومش فاضية غير للتريكوا".