داعية إسلامية لـ متصلة: "لو اتجوزتي ابن عمك مش هتلاقي رجولة" (فيديو)
قالت متصلة، إنها تحب إبن عمها وهو يحبها لكن مشكلته أنه بيتعاطى مخدرات، وتسائلت حول صلاحه في المستقبل أم لا.
وردت نادية عمارة، الداعية الإسلامية، خلال برنامج "فتاوى" المذاع عبر فضائية "الحياة": "مفيش مستقبل مع شخص يتعاطى مخدرات، ولا يجب التفكير فيه، مينفعش تتجوزي واحد مضيع عقله، الحياة قاسية محتاجه رجل يتحمل المسؤولية مش راجل بيغيب نفسه عن الدنيا".
وأفادت أن حكم تناول المخدرات بكافة أنواعها محرمة، وكلام الرسول صلى الله عليه وسلم، واضح في النهي عن تعاطي المخدرات، وكل الأمور التي تغيب عقل الإنسان، لأن الإنسان لا يساوي شيء في ظل غياب عقله، متابعة: "مفيش حد بيدخل السكة دي وبيتغير بسهولة، إنتي لو إتجوزتي الراجل ده، مش هتلاقي رجولة ولا أي حاجة، والحب الموجود ليس له أي قيمة بعد الزواج في ظل راجل لديه غياب عقلي وسيؤدي إلى مشاعر سيئة في غاية السوء".
