البرادعي: "ممكن أرجع مصر بكرة.. ولن أتأخر عن خدمة بلدي" (فيديو)
قال الدكتور محمد البرادعي، نائب رئيس الجمهورية سابقا، إن دوره سيكون "النصح كراجل لديه تجربة سابقة"، مشددا في الوقت ذاته أنه لن يكون جزء من أي عمل تنفيذي لأسباب كثيرة، وتطرق إليها بقوله: "اعتقد أن دوري في سني وظروفي هكون اكثر فعالية لبلدي لما يكون ليها حرية الحركة انصح هنا وابدي رأي هنا، أنا لما رجعت قلت للشباب أنا جاي عشان أمكنكم ساعدوني عشان أساعدكم أنا كنت جاي في سن خلاص".
وعن إمكانية عودته لمصر، قال البرادعي في الجزء الخامس من حواره مع برنامج "وفي رواية أخرى" على التلفزيون العربي: "أنا ممكن أرجع مصر بكرة، بلدي وستظل بلدي، وأنا طلعت من مصر ليه؟ لاني وجدت جو قائم على الاستقطاب جو حقيقة كنت باسبح ضد التيار، مكنتش اقدر اعيش فيه، هل الجو تغير لدرجة ضميري هيكون مستريح اعيش فيه، لنرى".
وأوضح البرادعي، أنه لن يتأخر عن مساعدة بلده مصر، مضيفًا: "أنا بشتغل بعقلي وضميري، لو فيه حاجة أقدر أعملها أساعد بلدي أحطها على الطريق السليم خارج أي عمل وظيفي طبعا مش هتاخر".
