"أمين": "صاحبي تراجع عن تطليق زوجته عشان فوزنا على بوركينا فاسو" (فيديو)
سرد الإعلامي تامر أمين، عن موقفان حدثا معه بعد مباراة مصر وبوركينا فاسو في نصف نهائي أفريقيا، لافتا إلى هذان الموقفان دليل على أن المصريين يتمنون الفرحة وليس الأمر مقتصر على كرة القدم.
وأضاف "أمين"، خلال تقديمه برنامج "الحياة اليوم"، المذاع علي فضائية "الحياة"، اليوم الخميس، أن صديقة له شاركتهم الفرحة بشكل كبير ولكن بعد انتهاء الفرحة بفوز مصر علي بوركينا فاسو سالته: "هو احنا كنا بنلاعب مين اصلا؟ وايه اللي هيحصل بعد كده"، ليتابع: "جاوبتها باننا بنلاعب بوركينا وهنوصل لنهائي افريقيا وسالتها لما انتي مش عارفة احنا بنلاعب مين فرحتي معانا بالشكل ده ازاي وليه؟"، ليستطرد أنها ردت عليه قائلة: "انا المهم عندي الفرحة وان الشعب محتاج يفرح".
وتابع: "والموقف الثاني كان ليا صديق كان ناوي يطلق مراته والطلاق كان هيكون قصاد المأذون يوم الجمعة الجاية ولكني فوجئت بيه بيتصل بيا ويقولي انا مش هطلق مراتي عشان فوزنا على بوركينا فاسو ومصر كلها فرحانة ورغم أن مراتي منكدة عليا بس انا هديها فرصة تانية"، ليرد عليه أمين قائلا: "رغم عدم اقتناعي بوجهة النظر وعدم وجود علاقة بفوز مصر بانه يبقى على مراته أو يطلقها وكنت شايف العكس بس دي رسالة برضه بتأكد المعنى الحقيقي أن المصريين نفسهم في الفرحة وربع فرحة كمان".
وطالب "أمين" من المسئولين ألا يبخلوا على المصريين في أن يشعروا بالفرحة قائلا: "أرجوكم متحرموناش من الفرحة واعملوا كل حاجة تسعد الناس".
