نادية عمارة لـ"متصلة": "ضيعتي نفسك وكرامتك" (فيديو)
قالت متصلة ببرنامج "قلوب عامرة" المذاع عبر فضائية "الحياة"، مساء الأربعاء، إن شخص وعدها بالزواج، مع العلم أنه متزوج، وكان يعرفها قبل زواجه وتركها بسبب كلام قيل عنها، وتابعت: "جالي دلوقتي وبيقولي عايز اتجوزك على مراتي، وحاولت ابعد لكن مش قادرة، اتعلقت بيه جامد، وانا في مشاكل ملهاش آخر".
وأجابتها الدكتورة نادية عمارة الداعية الإسلامية ومقدمة البرنامج، قائلة: "إنك عليكي ذنب تجاه نفسك، ليه تسيبيه 18 سنة يضحك عليكي، وهو لو كان عايز يتجوزك كان اتقدم من زمان، ولما شافك مستسلمة فاستمر معاكي لانه معندوش ضمير ولا كرامة".
وأكدت "عمارة"، أنها غاضبة على الفتيات التي تتعرض لمثل هذا الأمر، اللذين يضيعون حقوقهم ويقللون من انفسهم، ويجب على الفتيات أن يكونوا حريصين على انفسهم، وعدم السماح لأي شاب بالحديث معهم إلا عن طريق الوالد في المنزل، مضيفة: "هو لعب وراح اتزوج وسابك وانتي ضيعتي نفسك، وضيعتي كرامتك".
