مكالمة مسجلة لـ"أدمن صفحة كلنا خالد سعيد" تكشف تفاصيل الدعوة لـ25 يناير (فيديو)
أذاع الإعلامي أحمد موسى، مكالمة مسجلة لعبد الرحمن منصور "أدمن صفحة كلنا خالد سعيد" مع شخص آخر.
وقال "الطرف الثاني" خلال المكالمة التي بثت ببرنامج "على مسؤليتي"، المذاع عبر فضائية "صدى البلد"، مخاطبًا "منصور": "إيه القصة اللي سمعناها بتاعت 25 يناير وعلاقتك بوائل"، فأجابه "منصور": "أنا ووائل عقب إنشاء صفحة كلنا خالد سعيد بـ 3 أيام كان مصطفى النجار فيها لمدة يومين أو 3 ومكنش قادر يشتغل فيها علشان الحملة.. ومكنش فيها غيري أنا ووائل لحد ماروحت الجيش يوم 7-1، واقترحت إننا ننزل يوم عيد الشرطة.. وعملنا مطالب بسيطة، وعندما حدثت الثورة في 25 يناير كنت في الجيش، وعندما زارتني والدتى واصحابي بالجيش كنت مرعوب مما سمعته عما حدث بالسويس".
وتابع الطرف الثاني مخاطبًا "منصور": "إنت عرفت وائل إزاي.. هو شخص غير مريح"، فأجابه: "أنا تعرفت عليه في الجزيرة ترك مع ناس شغالين في التسويق.. وبعدين عرفتوا على مصطفى النجار ومكنش له علاقة بالسياسة لحد ما البرادعي رجع مصر.. وعرفته على النجار ودخلتوا معانا وبدأ يساهم بأفكار وتنظيم.. وأنا من اقترحت النزول يوم عيد الشرطة والناس انطلقت يوم الثلاثاء وسمعت أن الناس كانوا يهتفوا الشعب يُريد إسقاط النظام.. واتفقنا عدم الإعلان عن أسماءنا.. وعندما تم اعتقال وائل تم الإعلان عن اسمه كنوع من الحماية ليه".
