"أديب": "محمد بيه بتاع قسم الهرم عنده جنود أكتر من الجيش القطري مرتين"
قال الإعلامي عمرو أديب، إن قناة الجزيرة هي مملوكة للحكومة القطرية وموقفها يعبر عن موقف قطر من مصر وهو موقف عدائي.
وتسائل "أديب"، خلال تقديمه برنامج "كل يوم"، المذاع على فضائية "on-e"، اليوم السبت:" موقف مصر ايه من الفيلم المسئ للجيش المصري الذي ستذيعه الجزيرة؟!! وهو موقف قطر بالمناسبة، متابعا أن الإدارة المصرية لابد أن تأتي بحقها ويكون هناك موقف سياسي واضح، قائلا: "الجيش المصري مش جيش مرتزقة ولازم الادارة المصرية تجيب لينا حقنا من الجزيرة"، مستطردا: "لو الحكومة المصرية سكتت هنضرب ضرب قوي من الجزيرة بعد كده ومش هيكون الفيلم ده أخر حاجة من قطر ولازم يكون فيه رد حاسم".
وتابع: "التجنيد في مصر اجباري عشان جيش مصر بيحمي العرب كلهم مش مصر بس..والجزيرة متقدرش تعمل فيلم مسئ عن الجيش التركي أو الاسرائيلي".
واستطرد: "جيش قطر حوالي 11 ألف جندي مشاه.. يعني محمد بيه بتاع قسم الهرم عنده جنود أكتر من الجيش القطري مرتين".
