"أديب" يشكو الحكومة لـ السيسي: "الحساب لازم يكون عسير"
طالب الإعلامي عمرو أديب، من الحكومة عدم التحدث أو إطلاق تصريحات عن السيول، قائلا: "ياحكومة خدي الكلمتين في جنابك واسكتي احسن.. انا مش عاوز مسئول يبقى خايف واجهوا ياجماعة وبلاش الوزراء ياخدوا جنب ويقولو الجيش يتصرف".
وأضاف "أديب"، خلال تقديمه برنامج "كل يوم"، المذاع على فضائية "on-e"، اليوم الأحد، أن المواطنين غاضبون من إهمال المحليات لهم في تلك الكارثة ومن حقهم، موضحًا أنه يخشى من تكرار الكارثة في الإسكندرية ولم تتحرك المحليات حتى الآن لمواجهة الكارثة.
وتابع: "لازم الحكومة تنزل بشنطة فلوس في ايديها وتنزل توزع التعويضات على الأهالي ضحايا السيول علشان الناس منهارة وبلا مأوى".
واستطرد: "مصر دولة مدنية فاشلة وليست عسكرية بسبب عدم قدرتها على مواجهة الأزمات والكوارث وتلجأ إلى الجيش في كل شئ.. والشعب عاوز يشوف حساب عسير للمقصرين وياريس الحساب لازم يكون دلوقتي".
