عمرو أديب: "اللي في ودن السيسي الست أم ملس أسود"
قال الإعلامي عمرو أديب، إن أحد الأشخاص وجه له سؤالاً: "مين اللي في ودن السيسي"، لافتًا إلى أن هذا الشخص أخبره أنه كان يعلم من يهمس في أذن مبارك وكذلك مرسي، ساخرا: "مرسي كان ودانه مخرومة اصلا للإخوان".
وأضاف "أديب"، خلال تقديمه برنامج "كل يوم"، المذاع علي فضائية "ON-E"، اليوم السبت: "انا قولتله اللي في ودن السيسي الست أم ملس أسود وقصدي هنا كل الستات الغلابة وانا مش بنافق ولا بجامل بس السيسي مهموم بالغلابة".
واستطرد: "وانا جاي من المطار امبارح سواق التاكسي قالي هو انت مصدق سواق التوك توك قولتله معرفش بس هو قالي لا أنا مش مصدق ده فبركة"، متابعًا: "الناس خلاص بقت فاهمة كل حاجة والمرة دي لو البلد اتقلبت وقامت ثورة جياع محدش هينجى".
وتابع: "انا مع الحريات وكل شئ بس فيلسوف التوك توك ده عنده حاجة اسمها انتخابات رئاسية".
