مذيعة "المحور" لـ المسئولين: "بلاش تقفوا في وش الشعب.. هتتعوروا"
شنت الإعلامية إيمان عزالدين، هجومًا حادًا على بعض الوزراء بسبب تصريحاتهم المستفزة، ومنها تصريحات وزير الكهرباء في رده على غلاء فواتير الكهرباء قائله: "يعني نعمل إيه نولع شمعة في بيوتنا ولا إيه يعني؟ إيه الرد ده ياسيادة الوزير".
وأضافت "عزالدين"، خلال تقديمها برنامج "90 دقيقة"، المذاع على فضائية "المحور"، اليوم السبت: "ياريت المسئولين يخلوا بالهم من تصريحاتهم والكوارث في الكهرباء ووزارة التربية والتعليم وصلت لحد المسخرة وبلاش المسئولين يخسروا رصيدهم عند الناس بكلامهم الغريب".
وتابعت: "لو المسئولين دخلوا في مواجهة وش لـ وش مع الشعب هما اللي هيتعوروا بلاش تمشوا عكسي".
