"حساسين" لوزير الأوقاف: "اتقى الله فى المساجد"
وصف الإعلامي والنائب البرلماني سعيد حساسين، القرار الذي تم تداوله عن وزير الأوقاف بامتناع الوزارة عن سداد فواتير الكهرباء والمياه الخاصة بالمساجد، بـ"القرار الكارثي".
وقال حساسين ببرنامج "انفراد" على قناة "العاصمة": "كل ده عشان معالي وزير الأوقاف بيقول إن الوزارة مش معاها فلوس تصرف على المساجد الجديدة، عندك حق يا معالي الوزير".
وتابع حساسين قائلا: "انتم أغنى وزارة يا أخي، عندكوا أراضي وقف بالمليارات، عندك مستشارين بالملايين يا معالي الوزير، يا أخي اعمل لآخرتك، الوزارة دي مش هتكمل يعني، وبعدين فيه رب كريم، هتقوله إيه الوزارة مكنش فيها فلوس، طب والله الوزاره فيها فلوس".
وواصل: "إحنا بنقول أهو عشان تخلو بالكو، المساجد ماينفعش تمنعوا عنها الفلوس، ويا ريت يكون الاهتمام بالمساجد أكثر، يا معالي وزير الأوقاف اتقي الله في مساجد الله".
