داعية إسلامي لـ متصلة: "جوزك مش راجل"

انهارت متصلة تُدعي مروة، من البكاء على الهواء، قائله: "أنا اتجوزت من 9 شهور، وزوجي بخيل وبيضربني وبيهيني، ومعاملته معايا وحشه خالص، ومش مرتاحه معاه، وأنا اتاخرت في الزواج، إتجوزت عمرى 37 سنة، وعايزه أطلق وأهلي وأهله بيجبروني أقعد معاه".

وعقب الشيخ أحمد صبري، الداعية الإسلامي، خلال تقديمه برنامج "فتاوي" عبر فضائية "الحياة 2"، اليوم الإثنين، قائلًا: "الشنب ده ميبقاش على راجل لو أنا اتعاملت مع مراتي كده، خاف الله في مراتك، واتقوا الله فيهم، رسول الله صلى الله عليه وسلم يقول (إستوصوا بالنساء خيرًا، خيركم خيركم لأهله.. وأنا خيركم لأهلي)، دي مراتك أقرب الناس إليك".