نبيه الوحش يتوعد وزير الأوقاف: "مش هسيبك غير لما احبسك" (فيديو)

توعد المحامي بالنقض نبيه الوحش، الدكتور محمد مختار جمعة وزير الأوقاف، بحبسه بسبب فصله لمدير أوقاف دمياط الشيخ السعيد البغدادي، قائلًا: "أنا مش هسيبك غير لما أحبسك يا أعزلك.. إنت عاوز تشغل أئمة البلد أمنجية ومرشدين للأمن.. عندنا 88 عامل في الأوقاف وهاخد ليهم أحكام بالحبس ضدك".

واتهم الوحش، خلال مداخلة هاتفية مع الإعلامي سعيد حساسين، ببرنامج "انفراد" المذاع عبر فضائية "العاصمة"، وزير الأوقاف بإهدار المال المال، والعمل ضد مصالح الدولة والعمل لحساب الأمن.

وتابع الوحش: "إحنا معندناش وزير الأوقاف.. وأنا مش هسيبه غير لما احبسه.. ولو راجل يقاضيني في المحاكم وأنا معايا مستندات تحبسه 25 سنة".