أول ظهور تلفزيوني لعريس وعروس الشبكة الفضة في الغربية
استضاف الإعلامي شريف عامر، كريم وغادة أول عريس وعروسة بالشبكة الفضة في محافظة الغربية والتي أثارت حالة من الجدل عبر مواقع التواصل الاجتماعي.
وقال "كريم" في حواره ببرنامج "يحدث في مصر" المذاع على فضائية "إم بي سي مصر" مساء اليوم الأربعاء: "الذهب في حتة تانية وكنت على الفيس ولقيت صفحة عاملة عرض شبكة من الفضة بدلا من الذهب بـ1800 جنيه".
وأضاف "الفكرة عجبتني وعرضت الفكرة على غادة ولم تعترض وبعدها عرضت الفكرة على والدة غادة وأهلها، وقعدت مع مامتها كانوا متشددين شوية وقعدت معاهم مرة وادوني أسبوع ويردوا عليا".
وتابع "قبل ما اتقدم لأهل غادة قررت أصارحهم أني مش معايا فلوس وهو فيه صلة قرابة بنا وربنا وفق بحاجة صغيرة ولقيت بعدها مصر كلها بتباركلي وده توفيق من ربنا".
من جهتها علقت غادة جمال، العروس، في حوارها "أنا بشتري راجل بستند عليه والحياة بقت صعبة والسترة بالدنيا كلها وربنا يجعله زوج صالح وهو بيصلي وهيتقي ربنا فيا".
وتابعت "أنا بشجع أي بنت تعمل كده تتستر وتستند على راجل بجد وأنا وافقت بكريم علشان هو متدين ويعرف ربنا".
