أديب عن "خناقة الديسك الأول": سلوكيات غابة
قال الإعلامي عمرو أديب، إنه تلقى تعليمه في مدارس إنجليزية، متسائلا: "ما سبب خناقة الديسك الأول؟، لو أمك شديدة هتقعدك أدام، لو أمك مش متغذية هترجع ورا"، معتبرا أن مثل هذه السلوكيات غريبة".
سلوكيات اليوم الأول بالمدارس
وأضاف أديب، خلال برنامج "الحكاية" المذاع عبر فضائية "إم بي سي مصر"، مساء الأحد، "الكرسي مش مكتوب عليه لا إبراهيم ولا بولس، إيه اللي بيجرى ده، كده ولي الأمر ممكن يعمل أي حاجة في المدرسة، لو مش قادر تظبط المدرسة مش هيكون في مدرسة"، واصفا هذه السلوكيات بسلوكيات الغابة.
رسالة إلى مديري المدارس
وتابع: "إحنا كده بنعلم أولادنا أن كل حاجة تيجي بالغصب والعنف وبالدراع.. كده ابني اتعلم تعليم سيىء جدا"، مطالبا مديري المدارس أن يجلس الطلاب داخل الفصول وفقا للمفروض وليس لرغبات ولي الأمر.
